راجع ليه
بقلم سامي محفوظ حنا
راجع ليه
كنت نسيتك
ما عنديش
شيء اديهولك
لا حب ولا كلام
حلو أسمعهو لك
راجع ليه
كل شيء جوايا مات
راجع علشان
من تاني تصحيه ده
شيء لا أنا ولا أنت
نقدر عليه
راجع ليه
الوقت فات
والقلب من زمان مات
لاعمره سمع كلمة حلوة
ولا ليلة في الفرح بات
قتلته مرارة الذكريات
وإذا كان على الحب
اللي بتتكلم عليه
خلاص القلب مات
وإزاي يحس بيه
ولا فاكر الحب
بيعمل معجزات
راح يحيى القلب
و يصحيه
ده كلام خيال
وروايات
والحقيقة لا أنا
ولا أنت نقدر عليه
راجع ليه
جيت متأخر
كلامك لا راح
يقدم ولا يأخر
ولا يحنن قلبي
عليك ولا يأثر
كلامك عذاب ليه
وليك مش أكتر
بلاش في الماضي
أنا وأنت نفكر
فراقنا مكتوب
علينا ومتقدر
ونصيبنا رضينا بيه
راجع ليه
ليست هناك تعليقات:
إرسال تعليق